نوشہرہ: مسجد میں گیس لیکیج کے باعث دھماکہ، امام مسجد سمیت 5 نمازی جھلس گئے، 2 کی حالت نازک
نوشہرہ کینٹ (آن لائن) نوشہرہ کے علاقے پیرپائی کے نواحی علاقے قمبر خیل میں جامع مسجد میں گیس لیکج سے دھماکہ کے باعث امام مسجد سمیت پانچ نمازی جھلس گئے۔ پولیس اور ریسکیو ذرائع کے مطابق تین شدید زخمیوں کو لیڈی ریڈنگ ہسپتال پشاور منتقل کردیا گیا۔ 2 زخمیوں کی حالت نازک بتائی جاتی ہے۔ پولیس نے بم ڈسپوزل اسکواڈ کو طلب کرلیا۔ بم ڈسپوزل اسکواڈ کے مطابق دھماکہ پلاسٹک پائپ میں لیکنگ کی وجہ سے گیس بھر جانے کی وجہ سے ہوا۔
