فیروز والا+ پاکپتن+ ساہیوال (نامہ نگاران) فیروز والا میں نو عمر لڑکے، پاکپتن اور ساہیوال میں 2 لڑکیوں سے زیادتی۔ تفصیلات کے مطابق فیروز والا میں لاہور روڈ کی آبادی میں اوباش نوجوان آصف نے محنت کش کے نو عمر بیٹے سلیمان کو جان سے مار دینے کی دھمکی دے کر اس کے ساتھ زبردستی زیادتی کی اور تشدد کرنے کے بعد فرار ہو گیا۔ پولیس نے ملزم کے خلاف مقدمہ درج کر لیا ہے۔ پاکپتن میں قصبہ قبولہ کے محمد اعظم کی عدم موجودگی میں جاوید نے اس کے گھر میں گھس کر بھتیجی (ع) کو زبردستی زیادتی کا نشانہ بنا ڈالا۔ ساہیوال میں محلہ نور پارک کی (م۔ب) نے عدالت میں درخواست دائر کی منشی وغیرہ پانچ ملزمان نے اسے اغوا کر کے زیادتی کا نشانہ بنا ڈالا۔ پولیس نے فاضل عدالت کے حکم پر ملزمان کے خلاف مقدمہ درج کر کے کارروائی شروع کر دی ہے۔
سانگلہ ہل: پولیس کا 3گھروں میں گھس کر خواتین پر تشدد، ایک خاتون کا سر پھٹ گیا، ہسپتال بھی نہ جانے دیا
سانگلہ ہل (نمائندہ نوائے وقت) ضمانتیں خارج ہونے پر پولیس نے تین گھروں پر دھاوا بول دیا اور خواتین پر تشدد کیا جس سے ایک خاتون کا سر پھٹ گیا۔ نواحی گاﺅں کوٹلہ کلاں چک نمبر 43کے تین بھائی سید باجوہ، غلام رسول باجوہ اور صادق باجوہ کے گھروں پر سب انسپکٹر صابر چدھڑ کے ہمراہ پولیس کی بھاری نفری نے دھاوا بول دیا۔ پولیس دروازے توڑ کر اندر داخل ہو گئی، گھروں میں مردوں کی عدم موجودگی پر خواتین پر وحشیانہ تشدد کیا جس سے سدرہ بی بی کا سر پھٹ گیا جس کی حالت تشویشناک ہو گئی۔ پولیس نے زخمی خاتون کو ہسپتال بھی نہ جانے دیا۔ واضح رہے عید میلادالنبی کی شب دو پارٹیوں کے درمیان جھگڑا ہوا تھا، جس پر متاثرہ افراد نے عبوری ضمانتیں کروا لی تھیں۔
پولیس کا خواتین پر تشدد