کمالیہ (نامہ نگار) پولیس نے 32 گھنٹوں بعد مولانا محمد احمد لدھیانوی کے گھر اور مدرسہ کا گھیرائو ختم کر دیا، کوئی گرفتاری عمل میں نہ آئی۔ تفصیلات کے مطابق سرپرست اہل سنت و الجماعت مولانا محمد احمد لدھیانوی کے سعودیہ سے اپنے آبائی گھر میں آمد کے بعد اُن کے آبائی گھر اور مدرسہ کا گھیرائو کر لیا گیا تھا جو تقریباً 32 گھنٹے جاری رہا تاہم یہ گھیرائو 32 گھنٹوں کے بعد بغیر کسی پیشرفت کے اچانک ختم کر دیا گیا اور ذرائع کے مطابق مولانا محمد احمد لدھیانوی تاحال اپنے گھر میں موجود ہیں۔