لاہور (نامہ نگار) لاہور کے مختلف علاقوں میں 42 لاکھ روپے کے ڈاکے، مزاحمت پر دودھ فروش قتل، ایک شخص زخمی ہو گیا۔ ہنجروال کے علاقے میں موٹروے پر حویلی لکھا کا رہائشی دو بچوں کا باپ 40 سالہ دودھ ڈیلر ظفراللہ اپنے دوست کاشف کے ہمراہ گاڑی پر لاہور آرہا تھا جب ہنجروال کے علاقے میں داخل ہوئے تو اس دوران انکی گاڑی خراب ہوگئی، دونوں نے گاڑی کو سائیڈ پر لگا دیا اسی دوران تین ڈاکوئوں نے ان سے رقم اور موبائل فون چھیننے کی کوشش کی تو ظفراللہ نے مزاحمت کی جس پر ڈاکوئوں نے فائرنگ کرکے ظفر اللہ کو موقع پر ہی قتل کر دیا اور 3 لاکھ کی رقم لوٹ کر فرار ہوگئے۔ مقدمہ درج کرلیا گیا ہے۔چوہنگ کے علاقے میں ڈاکوئوں نے شور روم کے مالک شاہد سے 80 ہزار روپے اور موبائل فون چھین کر مزاحمت پر گولی مار کر زخمی کر دیا۔ جنو بی چھا ئونی کے علاقے آرے بازار کے علیم خان کے گھر سے چار ڈاکو 7لاکھ 88ہزار کی نقدی زیورات لوٹ کر فرار ہو گئے۔ شادباغ کے علاقے چراغ ٹوکے والا چوک کے امداد حسین کے گھر سے تین ڈاکو 6 لاکھ 5ہزار، فیکٹری ایریا کے علاقے چونگی امرسدھو میں آصف اقبال کے گھر سے چار لاکھ 65 ہزار، ساندہ کے علاقے مین بازارمیںعامر کے گھر سے 5 لاکھ سبزہ زار کے علاقے ایچ بلاک کے مرسلین کے گھر سے تین ڈاکو ایک لاکھ دس ہزار کی نقدی زیورات اور دیگر قیمتی سامان لوٹ کر فرار ہو گئے۔ سٹی رائیونڈ میں ڈاکوئوں نے فراز سے 4 لاکھ ، شالیمار میں میاں یوسف سے 3 لاکھ 55 ہزار ، اسلام پورہ میں آسیہ بی بی سے 2 لاکھ، داتا دربار میں عثمان سے 24ہزار راوی روڈ میں ڈاکوئوں نے عنایت سے 25ہزار نقد اور موٹر سائیکل، سمن آباد میں ڈاکوئوں نے جاوید سے 22ہزار روپے ،جوہر ٹائون میں ڈاکوئوں نے یاسین سے 1لاکھ 2ہزار روپے کی نقدی ،لیپ ٹاپ اور موبائل، قائد اعظم انڈسٹریل اسٹیٹ میں ڈاکوئوں نے ایاز سے 12ہزار روپے کی نقدی و موبائل، ٹائون شپ میں ڈاکوئو ں نے ساجد سے 33 ہزار روپے کی نقدی و موبائل ،گلبرگ میں ڈاکوئوں نے حارث سے 50ہزار روپے کی نقدی و موبائل، نشتر کالونی میں ڈاکوئوں نے عمر سے 30ہزار کی نقدی اور دیگر سامان چھین لیا۔ چوروں نے مصطفی ٹائون سے قدیر کی گاڑی جبکہ کا ہنہ میں سے محمود ، باٹا پور سے امتیاز ،ڈیفنس بی میں فاروق ، فیکٹری ایریا میں ابرار، قلعہ گجر سنگھ میں طارق ،مغل پورہ میں سلمان ،مزنگ میں زوہیب ،شاہدرہ میں عابد ،نشتر کالونی میں ساجد ،اسلام پورہ میں ارشد ،شاد باغ میں عدنان ، نواں کوٹ میں نبیل ،مسلم ٹائون میں ماجد ،ٹائون شپ میں اعجاز ،سبزہ زار میں اسلام دین ، شادمان میں سے حسن کی موٹر سائیکلیں چوری کر لیں۔ فیروزوالا سے نامہ نگار کے مطابق شاہدرہ، کوٹ عبدالمالک اور جی ٹی روڈ پر ڈکیتی کی وارداتوں میں ڈاکوئوں نے مزاحمت پر فائرنگ کرکے دو افراد کو زخمی کر دیا۔ ڈاکو لوٹ مار کرنے کے بعد فرار ہو گئے۔ کوٹ عبدالمالک میں ڈاکوئوں نے گن پوائنٹ پر دکاندار سرفراز کو لوٹ لیا، دکان پر موجود نوجوان آصف نے ڈاکو پکڑنے کی کوشش کی تو ڈاکوئوں نے اسے گولی مارکر زخمی کر دیا۔ شاہدرہ کے ڈکیتی کی واردات میں مزاحمت پر ڈاکو نے گولی مارکر نوجوان کو زخمی کر دیا۔ جی ٹی روڈ پر عبدالرشید سے موٹر سائیکل اور رقم چھین لی۔ جاوید نگر میں چوروں نے امیر علی کے گھر میں گھس کر دو مویشی چوری کر لئے۔ لاہور روڈ پر ڈاکوئوں نے گن پوائنٹ پر حامد رضا سے موٹر سائیکل چھین کر لے گئے۔ پولیس نے مقدمات درج کر لئے ہیں۔