نئی دہلی (آئی این پی) بھارتی اخبار نے دعویٰ کیا ہے پاکستان اپنے جوہری پروگرام کو توسیع دے رہا ہے اور اس نے اب خوشاب ایٹمی ری ایکٹر کو بھی توسیع دے دی ہے‘ پاکستان کے اس اقدام سے بھارت کیساتھ کشیدگی میں اضافہ ہو سکتا ہے‘ وزیراعظم نریندر مودی آئندہ ہفتے امریکی صدر اوباما سے ملاقات کے دوران یہ معاملہ اٹھائیں گے۔ معروف بھارتی اخبار ’’دی ہندو‘‘ کی رپورٹ میں دعویٰ کیا گیا ہے ڈیجیٹل گلوب کی جانب سے جاری کی جانے والی سیٹلائٹ تصاویر اور واشنگٹن تھنک ٹینک انسٹیٹیوٹ فار سائنس اینڈ انٹرنیشنل سکیورٹی کی رپورٹ سے ثابت ہوتا ہے پاکستان اپنے خفیہ جوہری ہتھیاروں کی سرخی کے پروگرام کو وسعت دے رہا ہے اور اس نے ایک جوہری ری ایکٹر کو فعالیت کیلئے پیش کر دیا ہے جو بھاری پانی کے ری ایکٹر کے قریب ہی واقع ہے، اس سے پلوٹونیم کی پیداوار متوقع ہے۔