راولپنڈی (آن لائن) ٹیکسلا پولیس نے راولپنڈی اسلام آباد کے جڑواں شہروں میں تباہی پھیلانے کے بڑے منصوبہ کو ناکام بناتے ہوئے بارود سے بھری گاڑی کو تحویل میں لے کر دو افراد کو گرفتار کر لیا۔ پولیس کے مطابق پشاور سے راولپنڈ ی آنے والی گاڑیوں کی خصوصی چیکنگ کی جا رہی تھی کہ اسی دوران ایک پرائیویٹ گاڑی میں موجود بارودی مواد کا انکشاف ہوا۔ پولیس کے مطابق گاڑی میں سوار دونوں مشتبہ افراد نے فرار ہونے کی کوشش کی تاہم انہیں قابو کر لیا گیا۔ گاڑی میں 75 کلوگرام بارودی مواد، 78 کارتوس، ایک ہزار ڈیٹونیٹر اور 6رول تار برآمد ہوئے۔