کوہاٹ/ پشاور (بی بی بی/ نوائے وقت رپورٹ) کوہاٹ میں پولیو وائرس سے متاثرہ ایک بچے کے والد  مولانا محمد یوسف کو پولیو کے قطرے پلانے سے انکار کر دینے پر گرفتار کر لیا گیا ہے۔ انتظامیہ نے غفلت برتنے پر محکمہ صحت اور ریونیو ڈیپارٹمنٹ کے تین اہلکاروں کو بھی نوکریوں سے برخاست کر دیا ہے۔ دریں اثناء ڈپٹی کمشنر پشاور نے کہا ہے انسداد پولیو مہم 25جنوری سے شروع کی جائے گی۔ مہم کے دوران موٹر سائیکل چلانے پر پابندی ہو گی۔ 7لاکھ بچوں کو پولیو سے بچائو کے قطرے پلائے جائیں گے۔