لاہور (نمائندہ سپورٹس) مالدیپ میں منعقد ہونے والے سب زونل اے وی سی بیچ والی بال کانٹیننٹل کپ میں پاکستان ٹیم سلور میڈل جیتنے میں کامیاب ہو گئی۔ مالدیپ میں منعقد ہونے والے ٹورنامنٹ کا فائنل پاکستان اور بھارت کی ٹیموں کے درمیان کھیلا گیا جس میں بھارت نے سخت مقابلے کے بعد گولڈ میڈل اپنے نام کیا جبکہ پاکستان ٹیم گولڈن میچ میں کامیابی حاصل کرنے میں ناکام رہی۔ پاکستان کے مبشر رضا کو ٹورنامنٹ کا بہترین کھلاڑی قرار دیا گیا۔ مالدیپ  میںچھ ملکی ٹورنامنٹ کا فائنل پاکستان اور بھارت کی ٹیموں کے درمیان کھیلا گیا۔ پہلے میچ میں پاکستان اے ٹیم نے بھارت کی اے ٹیم کو 2-1 سے مات دی۔ دوسرا میچ پاکستان بی اور بھارت کی بی ٹیموں کے درمیان کھیلا گیا۔ بھارت مقابلہ ایک ایک سے برابر کر دیا۔ میچ کا فیصلہ گولڈن میچ میں ہوا ۔ مالدیپ ٹیم نے تیسری پوزیشن حاصل کی۔ پاکستان والی بال فیڈریشن کے صدر چودھری یعقوب  نے کھلاڑیوں کو مبارکباد دی  اورکہاکہ پاکستان ٹیم میں ایشین اور ورلڈ چیمپئن شپ جیتنے کی صلاحیت موجود ہے۔