لاہور (سپورٹس رپورٹر) قومی ٹیم کے سابق کپتان اور مایہ ناز آل رائونڈر شعیب ملک نے آئی سی سی ورلڈ کپ سکواڈ سے نظر انداز کئے جانے پر مایوسی کا اظہار کرتے ہوئے کہا ہے کہ وہ تا حال انٹرنیشنل سطح پر پاکستان کیلئے کھیلنا چاہتے ہیں۔عالمی کپ کا ٹائٹل جیتنے کیلئے سینئر کھلاڑیوں کو مصباح الحق کا بھرپور ساتھ دینا ہوگا۔ مجھے ورلڈ کپ کیلئے ٹیم میں شامل ہونے کا پورا یقین تھا لیکن بد قسمتی سے ایسا نہ ہوا جس سے بے حد مایوسی ہوئی تاہم اس کا ہرگز یہ مطلب نہیں کہ میرا کیریئر ختم ہو گیا میں ٹیم میں کم بیک کرنے کیلئے پر عزم ہوں۔