لاہور( نمائندہ سپورٹس/سپورٹس رپورٹر)2015 میں سنوکر کھلاڑیوں کے مسائل کا حل اور انہیں معاشی طور پر مضبوط بنانا سے بڑا ہدف ہے۔پاکستان کے سنوکر پلئیرز صلاحیتوں میں کسی سے کم نہیں ہیں۔ان خیالات کا اظہار پاکستان بلئیرڈ اینڈ سنوکر ایسوسی ایشن کے صدر عالمگیر شیخ نے نوائے وقت کے ساتھ خصوصی گفتگو کرتے ہوئے کیا۔انہوں نے کہا کہ گزشتہ چند برس میں پاکستان کے کھلاڑیوں نے بین الاقوامی سطح پر اپنی صلاحیتوں کا لوہا منوایا ہے۔اب وقت ہے کہ ہم اپنے ٹیلنٹ سے فائدہ اٹھاتے ہوئے موجودہ کھلاڑیوں کی کامیابیوں کو کھیل کے فروغ کےلئے استعمال کریں۔پاکستان سپورٹس بورڈ کے ذمے کھلاڑیوں کی انعامی رقم ایک عرصے سے التوا کا شکار ہے۔ہم نے اپنی تجاویز پاکستان سپورٹس بورڈ اور متعلقہ وزارت کو بھی بھجوا دی تھیں۔وزیر اعظم ہاو¿س بھی ایک خط بھجوایا تھا اس پر بھی مثبت جواب آیا ہے۔