لاہور(سپورٹس رپورٹر/ نمائندہ سپورٹس) چیف آف آرمی سٹاف چیلنج کپ ہاکی ٹورنامنٹ کا سیمی فائنل مرحلہ مکمل ہو گیا۔ پی آئی اے اور نیشنل بنک نے حریف ٹیموں کو شکست دیکر فائنل کےلیے کوالیفائی کر لیا ہے۔ پہلے سیمی فائنل میں پی آئی اے نے سوئی سدرن گیس کمپنی کو چار ایک سے زیر کیا۔ اس میچ میں فاتح ٹیم کی جانب سے نوہیز ملک، کاشف علی، عاطف مشتاق اور زبیر محمود نے ایک ایک گول کیا۔ دوسرے سیمی فائنل میں نیشنل بنک نے آرمی سینئر کے درمیان سخت مقابلہ دیکھنے میں جس میں نیشنل بنک نے دو ایک سے کامیابی اپنے نام کی۔ بنک کی جانب سے علی شان اور بلال قادر نے ایک ایک گول کیا جبکہ آرمی کی جانب سے واحد گول کپتان ایم عمران نے کیا۔تیسری پوزیشن کا میچ آج کھیلا جائیگا۔