کراچی : پی آئی اے کا مزید ایک طیارہ گراﺅنڈ، تعداد 5ہو گئی
کراچی(آئی این پی+ نوائے وقت نیوز) پی آئی اے کا اے ٹی آرطیارہ گراﺅنڈ کردیاگیا، پی آئی اے کے ایک ہفتے میں گراﺅنڈ کئے گئے طیاروں کی تعداد پانچ ہوگئی۔تفصیلات کے مطابق پاکستان انٹرنینشل ایئر لائن مسلسل مشکلات سے دوچارہے ۔مکینیکل خرابیوں کے باعث پی آئی اے کے چار طیارے پہلے ہی گراﺅنڈ کئے گئے تھے ۔اتوار کو پی آئی اے کا ایک اور اے ٹی آر طیارہ گراﺅنڈ کردیاگیا ،جس کے بعد پی آئی اے کے ایک ہفتے کے دوران گراﺅنڈ کئے گئے طیاروں کی تعداد پانچ ہوگئی ۔دوسری جانب ترجمان پی آئی اے کا دعویٰ ہے کہ اس وقت تمام طیارے قابل پرواز ہیں۔ ایک ایئر بس اے 310 کو معمول کی چیکنگ کے لئے گراﺅنڈ کیا گیا ہے۔
طیارہ گراﺅنڈ
