کراچی (کرائم رپورٹر) کراچی کے مختلف  علاقوں میں تشدد اور فائرنگ کے واقعات میں 3  افراد ہلاک جبکہ 2گینگسٹر مقابلے میں مارے گئے۔ تفصیلات کے مطابق بن قاسم کے علاقے میں پلاٹوں کے تنازعے پر دو گروپوں میں تصادم ہواجس کے نتیجے میں ایک شخص میر محمد  ہلاک ہو گیا۔ ادھر چنیسر گوٹھ میں مسلح افراد نے ایک شخص 30 سالہ سلطان گل کو فائرنگ کرکے ہلاک کر دیا۔ تین ہٹی پل کے قریب فائرنگ سے اہلسنت و الجماعت کے کارکن مولانا افتخار احمد جاں بحق ہو گئے۔ وہ مقامی مسجد کے امام تھے۔ علاوہ ازیں مواچھ گوٹھ میں پولیس مقابلے کے دوران عزیر بلوچ گروپ کا شاکر عرف شاکا  اور اس کا ساتھی مارا گیا۔