واربرٹن: تیزرفتارموٹر سائیکل کھمبے سے ٹکرا گئی، 3 نوجوان موقع پر جاں بحق
واربرٹن (نامہ نگار) واربرٹن فیروزوٹواں روڈ پر موٹر سائیکل سوار تین نوجوان گاڑی کو کراس کر تے کھمبے سے ٹکرانے پر موقع پر جاں بحق ہو گئے۔ بتایا جاتا ہے کہ مدینہ کالونی واربرٹن کے رہائشی نوجوان رانا زین، رانا عثمان اور اسلم گل کا بیٹا نقاش موٹر سائیکل پر سوار ہو کر چاندی کوٹ جا رہے تھے، راستے میں گاڑی کو کراس کر تے سڑک کھمبے سے ٹکراگئے، سپیڈ زیادہ ہونے کی وجہ سے تینوں نوجوان موقع پر دم توڑ گئے، تینوں کی عمریں 18 سے25 سال کے درمیان بتائی جاتی ہیں۔
