لاہور (نمائندہ سپورٹس/ سپورٹس رپورٹر) راحت علی کی سلیکشن ٹھیک طریقہ کار غلط ہے۔ سلیکشن کمیٹی اور کھلاڑیوں کے انتخاب کے عمل میں شریک تمام افراد کی نا اہلی کھل کر سامنے آ گئی ہے۔ ان خیالات کا اظہار ٹیسٹ فاسٹ بائولر عبدالرئوف نے نوائے وقت کے ساتھ گفتگو کرتے ہوئے کیا۔ انہوں نے کہا کہ راحت علی باصلاحیت گیند باز ہے۔ اسے اب تک ایک روزہ کرکٹ کیوں نہیں کھیلائی گئی۔ اسے ابتدائی طور پر اعلان کردہ تیس کھلاڑیوں میں شامل کیوں نہیں کیا گیا۔