ملتان: تحریک انصاف کے کارکن ورکرز کنونشن کے بعد کھانے پر ٹوٹ پڑے بھوکے رہنے والوں کے نعرے
ملتان (آئی این پی) ملتان میں پیپلزپارٹی کے جیالوں کی طرح تحریک انصاف کے ورکر کنونشن میں تحریک انصاف کے ٹائیگر بھی کھانے پر ٹوٹ پڑے جبکہ کھانا نہ ملنے پر برتن اٹھا کر نعرے لگاتے رہے۔ ورکرز کنونشن میں وائس چیئرمین شاہ محمود قریشی کے خطاب کے بعد تحریک انصاف کے ٹائیگر کھانے پر ٹوٹ پڑے، نہ خود کھایا نہ کسی کو کھانے دیا بلکہ سارا کھانا زمین پر پھینک کر ضائع کر دیا جس پر متعدد کارکنوں کو کھانا نہ مل سکا اور انہوں نے برتن اٹھا کر انتظامیہ کے خلاف نعرے بازی شروع کر دی۔
