اسلام آباد (نوائے وقت رپورٹ) آئی ایس آئی کے سابق سربراہ جنرل (ر) حمید گل نے انکشاف کیا ہے کہ بھارت نے پاکستان پر الزام لگانے کے لئے ممبئی حملہ طرز کی واردات کرانے کی سازش تیار کر لی ہے۔ ممکنہ طور پر مارچ میں سری نگر میں را کوئی بڑی کارروائی کرے گی جس کے بعد ممبئی حملوں کی طرح پاکستان کیخلاف ہنگامہ شروع کیا جائیگا۔ بھارت سمجھتا ہے اب سارے جہادی کشمیر پہنچیں گے، اسلئے وہ یہ سازش کر رہا ہے۔ ہمیں بھارت نے کراچی میں بہت تنگ کرنا ہے، کیونکہ یہ پاکستان کا معاشی حب ہے۔