ملتان+ گھوٹکی (نوائے وقت رپورٹ) ملتان میں بہا¶الدین زکریا یونیورسٹی کی انتظامیہ کو گذشتہ روز دھمکی آمیز خط موصول ہوا۔ نجی ٹی وی کے مطابق خط وائس چانسلر اور چیئرمین انجینئرنگ ڈیپارٹمنٹ کو بھجوایا گیا تھا۔ خط ملنے کے بعد یونیورسٹی کی حدود میں حفاظتی انتظامات مزید سخت کر دئیے گئے۔ ادھر سندھ کے علاقے گھوٹکی میں خان پور مہر کے سرکاری سکول کو بھی دھمکی آمیز خط ملنے کے بعد سکیورٹی بڑھا دی گئی۔