میاں چنوں (نامہ نگار) ٹریفک حادثے میں میاں بیوی 7سالہ بیٹی سمیت جاں بحق، تین بچے زخمی ہوگئے۔ تفصیلات کے مطابق میاں چنوں قومی شاہراہ پر رحیم یار خان کا نوید اقبال اپنی بیوی بشریٰ نوید اور اپنے بچوں کے ہمراہ لاہور اپنی کار پر جا رہے تھے ملیسی لنک نہر کے قریب تیز رفتار کار سامنے سے آنے والے تیز رفتار ٹرالر سے ٹکرا گئی جس کے باعث کار میں سوار میاں نوید اقبال اور اسکی بیوی بشریٰ نوید اور اسکی سات سالہ بچی فاطمہ نوید موقع پر دم توڑ گئے۔ ان کے تین بچوں کو شدید چوٹیں آئیں تین بچوں فصیل نوید، عمر نوید اور شازیہ نوید کو شدید زخمی حالت میں مقامی ہسپتال میں داخل کروا دیا گیا، تینوں بچوں کی حالت خطرے سے باہر بیان کی جاتی ہے۔