لاہور (خبر نگار) پیپلز پارٹی کی سنٹرل ایگزیکٹو کمیٹی کے رکن و صوبائی سیکرٹری فنانس اورنگزیب برکی نے کہا ہے کہ بھٹو اور بینظیر بھٹو کے نظریات چیئرمین بلاول بھٹو کی قیادت میں زندہ رکھیں گے۔ پیپلز پارٹی محنت کش نوجوان اور روشن خیال طبقہ کی تحریک ہے۔ پاکستان کی سیاست میں پیپلز پارٹی اور بھٹو ازم زندہ رہے گا۔ پیپلز پارٹی جمہوریت کے خلاف کسی بھی گٹھ جوڑ کا ساتھ نہیں دے گی۔ فرد واحد کی طرز پر حکمرانی قائم کرنے سے ملک میں عدم استحکام پیدا ہو گا۔