پنجاب پیرا میڈیکل سٹاف ایسوسی ایشن 10 فروری کو مطالبات کے حق میں ریلی نکالے گی
لاہور (نیوز رپورٹر) پنجاب پیرا میڈیکل سٹاف ایسوسی ایشن نے مطالبات کی منظوری کے لیے 10 فروری کو پنجاب اسمبلی تک احتجاجی ریلی کی کال دے دی۔ اس دن ماسوائے ایمرجنسی ڈیپارٹمنٹ کے ہسپتالوں میں باقی تمام کاموں کا بائیکاٹ کیا جائے گا۔ اس حوالے سے سروسز ہسپتال میں پنجاب پیرا میڈیکل سٹاف ایسوسی ایشن کے صوبائی چیئرمین یوسف بلا کی سربراہی میں ایک اجلاس ہوا جس میں جاوید چوہان، رحمت سندھو، چوہدری وسیم اور رانا عرفان سمیت دیگر نے شرکت کی۔
