کراچی (سپورٹس رپورٹر) قائداعظم گولڈ کپ ہاکی ٹورنامنٹ کے دوسرے روز تین میچوں کا فیصلہ ہوگیا ۔نیشنل بینک اور ریلویز کی مسلسل دوسری کامیابی کیساتھ سیمی فائنل میں رسائی کے امکانات روشن کر لئے ۔ پہلے میچ میں پی آئی اے (وائٹ) اور سٹیل ملز کے درمیان مقابلہ دو، دو گول سے برابر ہوگیا۔ دوسرے میچ میں ریلویز نے ائیرفورس کو ایک کے مقابلے میں چھ گول سے شکست دی، ریلویز کی جانب اویس نے ہیٹ ٹرک سمیت چارگول بناکر جیت میں اہم کرداراداکیا۔ رضوان نے38 اور شاہ نواز نے57ویں منٹ میں گول کیے جبکہ ائیر فورس کا واحد گول کپتان سعید شاہ نییا ۔ تیسرے میچ میں نیشنل بینک نے کراچی ڈویژن کو با آسانی دو کے مقابلے میں12 گول سے شکست دی، نیشنل بینک کی جانب سے مبشر علی نے ہیٹ ٹرک سکورکی۔ پینالٹی کارنرپر23 ویں، 30 اور47 ویں منٹ میں گول کیے ۔ کپتان اولمپئن توثیق ارشد، عتیق ارشد اور ارسلان قادرنے دو، دو، علی حسن، عامر علی اور دلبرحسن نے ایک، ایک گول کیا۔