لاہور (سپورٹس رپورٹر) جنوبی افریقہ ویمن ٹیم کیخلاف امارات میں کھیلی جانے والی ہوم سیریز کی تیاری کے لئے پاکستان ویمن کرکٹ ٹیم کے ممکنہ کھلاڑیوں کے درمیان کھیلے جانے والے دوسرے ٹرائل میچ میں پاکستان گرینز نے ریڈ کو27رنز سے شکست دیدی۔ ایل سی سی اے کرکٹ گرائونڈ میں پاکستان گرینز نے پہلے کھیلتے ہوئے مقررہ پینتالیس اوروں میں آٹھ وکٹوں کے نقصان پر232 رنز بنائے، بسمعہ معروف نے64، عالیہ ریاض نے36 اور سدرہ امین نے32 رنز کی اننگز کھیلی، پاکستان ریڈ کی جانب سے اسماویہ اقبال نے دو کھلاڑیوں کو آئوٹ کیا، جواب میں پاکستان ریڈ کی پوری ٹیم205 رنز بنا کر آئوٹ ہوگئی جویریہ خان38،ناہیدہ بی بی نے33، ثناء میر اور رابعہ شاہ نے27,27 رنز بنائے۔