لاہور (سپورٹس رپورٹر) کلارک پاکستان اوپن ٹورنامنٹ رائل پام ٹیم نے جیت لیا لاہور پولو کلب میں کھیلے جانے والے فائنل میچ میں رائل پام نے اولمپیا ٹیم کو شکست دیدی تیسری پوزیشن کیلئے کھیلے جانے والے میچ میں حتف نے آرمی ٹیم کو چار کے مقابلے سات گول سے شکست دی ٹورنامنٹ کا فائنل رائل پام اور اولمپیا ٹیموں کے درمیان کھیلا گیا پہلے چکر میں اولمپیا ٹیم کو 2-1 کی برتری حاصل رہی جون لوساڈا نے شاندار کھیل پیش کرتے ہوئے اپنی ٹیم کو دوسرے چکر میں 5-2 کی برتری حاصل کر لی تیسرے چکر میں اولمپیا ٹیم کے احمد ٹوانہ نے گول کرکے خسارہ ایک گول کم کیا چوتھے اور فائنل چکر میں بھی رائل پام ٹیم کی کھیل پر سبقت برقرار رہی اور پانچ کے مقابلے میں سات گول سے میچ لیا۔ مہمان خصوصی ڈائریکٹر کلارک میاں شکیل میجر جنرل اسفند یار علی خان نے انعامات تقسیم کئے۔