لاہور + فیروز والا (نامہ نگاران) لاہور کے مختلف علاقوں میں 9 گھروں سے 65 لاکھ کا مال لوٹ لیاجبکہ فیروز والا میں مزاحمت پر باپ بیٹا زخمی ہوگئے۔ ڈیفنس بی کے علاقے فیز فائیو بی بلاک میں ڈاکوﺅں نے شبیراحمد کے گھر سے 12لاکھ روپے کے طلائی زیورات،نقدی اور دیگر سامان، شمالی چھاﺅنی کے علاقے میں ڈاکوﺅںنے شریف کے گھر سے 10لاکھ روپے ، مصری شاہ کے علاقے میں ڈاکوﺅں نے چودھری شفقت کے گھر میں گھس کر اہلخانہ کو اسلحہ کے زور پر یرغمال بنا کر 9لاکھ روپے، ملت پارک کے علاقے میں ڈاکوﺅں نے جہانگیر کے گھر سے 7لاکھ روپے، نواں کوٹ کے علاقے میں ڈاکوﺅں نے جعفر کے گھر سے 8لاکھ، کاہنہ کے علاقے میں ڈاکوﺅں نے برکت علی کے ڈیرے سے 7لاکھ روپے، مزنگ کے علاقے میں شریف کے گھر سے 5لاکھ، گجر پورہ میں ڈاکوﺅںنے ظہیر کے گھر سے ساڑھے تین لاکھ اور کوٹ لکھپت کے علاقے میں ریاض کے گھر سے چار لاکھ روپے کے پرائز بانڈ، نقدی اور طلائی زیورات لوٹ لئے۔ہنجر وال میں شہزاد اور اس کی فیملی سے دو لاکھ روپے، سول لائن میں زبیر اور اس کی فیملی سے اڑھائی لاکھ کے طلائی زیورات اور نقدی، سٹی رائیونڈ میں نور احمد اور اس کی فیملی سے ڈیڑھ لاکھ روپے جبکہ شاہدرہ ٹاﺅن کے علاقے میں گلفام اور اس کی فیملی سے ایک لاکھ روپے کے طلائی زیورات اور نقدی چھین لی گئی، سبزہ زار میں شکیل، سمن آباد میں ریاض، ریس کورس میں شفیق، غالب مارکیٹ میں جنید، گلبرگ میں فیاض، نشتر کالونی میں فیض احمد، شاہدرہ میں ریاست،وحدت کالونی میں جاوید، ڈیفنس اے میں اکرام، غازی آباد میں سلیم، ہربنس پورہ میں فہد اور باغبانپورہ میں لیاقت سے ڈاکوﺅں نے ہزاروں روپے اور موبائل فونز چھین لئے۔چوروں نے لوئر مال، شفیق آباد، نولکھا،گوالمنڈی، گلبرگ، اقبال ٹاﺅن اور گارڈن ٹاﺅن کے علاقوں سے7 موٹرسائیکلیں جبکہ لیاقت آباد، جنوبی چھاﺅنی اور ڈیفنس بی کے علاقوں سے3 کاریں چوری کرلےں۔فیروز والا سے نامہ نگار کے مطابق جی ٹی روڈ کی آبادی رحمان پور مریدکے میں چار ڈاکوﺅں نے افتخار کے گھر گھس کر ڈکیتی کی واردات کی، مزاحمت پر ڈاکوﺅں نے فائرنگ کردی جس کے باعث افتخار احمد اور اس کا والد سبحان عبدالرحمن زخمی ہوگئے۔ ڈاکو گن پوائنٹ پر عبدالغفور سے موٹر سائیکل چھین کر لے گئے۔ ڈاکوﺅں نے فیکٹری میں گھس کر سکیورٹی عملے کو یرغمال بناکر تقریباً 4 لاکھ روپے کا سامان لوٹ لیا۔ تھانہ ہاﺅسنگ کالونی کے قریب ڈاکوﺅں نے گن پوائنٹ پر اسلم سے، بیکری اور سٹور میںگھس کر گاہکوں سے نقدی موبائل چھین لی۔
ڈاکے