چمن(اے پی پی) کوئٹہ سے اغوا ہونے والے دو کمسن بھائی بازیاب جبکہ ایک اغوا کار کو گرفتارکر لیا گیا۔ چمن میں لیویز حکام کے مطابق لیویز اہلکاروں نے گزشتہ روز چمن میں تاج میرخان روڈ پر گھر میں چھاپہ مارکر وہاں پر موجود دو مغوی بچوں کو بازیاب کرکے ایک اغوا کار جمیل احمد کو گرفتار کرلیا جوکہ افغان مہاجر بتایا جاتا ہے۔ دونوں مغوی بھائی ہیں۔ ان کو پانچ روز قبل تاوان کیلئے کوئٹہ کے علاقے غوث آباد سے اغوا کیا گیا تھا۔ بچوں کے نام حکمت اللہ اور فیض اللہ ولد حاجی لالہ خان ہیں۔