بھارتی گجرات میں سوائن فلو سے مزید 5افراد ہلاک
نئی دہلی ( آن لائن ) بھارتی صوبے گجرات میں سوائن فلو سے مزید پانچ افراد ہلاک ہو گئے۔ گزشتہ ایک ماہ کے دوران مرنے والوں کی تعداد 71ہوگئی۔ بھارتی حکام نے تیزی سے پھیلتے ہوئے اس وائرس پر تشویش کا اظہار کیا ہے۔ بھارتی ریاست گجرات میں گزشتہ چوبیس گھنٹوں کے دوران سوائن فلو کے ستر مریضوں کو ہسپتال لایا گیا جبکہ یکم جنوری سے اب تک بھارت میں سوائن فلو کے 627کیس سامنے آچکے ہیں۔
