کواوپرا آرٹ گیلری میں پینٹنگز کی نمائش پرسوں ہو گی
لاہور (کلچرل رپورٹر) کواوپرا آرٹ گیلری نے پینٹنگز کے گروپ شو کا اہتمام کیا ہے جس کی افتتاحی تقریب 13 فروری کو سہ پہر چار بجے کواوپرا آرٹ گیلری میں منعقد ہو گی۔ تقریب کے مہمان خصوصی پارلیمانی سیکرٹری برائے اطلاعات و ثقافت پنجاب رانا محمد ارشد ہوں گے۔ مہمان اعزاز کالج آف آرٹ اینڈ ڈیزائن یونیورسٹی آف پنجاب ڈاکٹر شاہدہ منظور ہوں گی۔ نمائش کے شرکاء میں شاکر علی، عبدالمالک چنا، صبا راشد، منور محی الدین اور راجہ نجم الحسن شامل ہیں۔ کوواپرا آرٹ گیلری کے کیورٹر محمد جاوید نے کہا کہ نمائش 28 فروری تک جاری رہے گی۔
