لاہور(سپورٹس رپورٹر) لاہور پولو کلب کے زیر اہتمام نبی یوسف میموریل پولو کپ 2015ء کا آغاز ہو گیا۔ ٹورنامنٹ کے افتتاحی میچ میں گارڈ گروپ/ نیوایج اور اولمپیا کی ٹیموں کے درمیان سخت مقابلہ دیکھنے میں آیا۔ جس میں گارڈ نیو ایج ٹیم نے صرف آدھے گول کے مارجن سے کامیابی اپنے نام کی۔ لاہور پولو کلب میں شروع ہونے والے ٹورنامنٹ میں گذشتہ روز گارڈ گروپ/ نیوایج اور اولمپیا کی ٹیموں کے درمیان میچ کھیلا گیا جس میں گارڈ گروپ/ نیوایج نے ساڑھے سات کے مقابلے میں 8 گول سے کامیابی اپنے نام کی۔