چکوال میں جنگی طیاروں کی مشقوں کے دوران دھماکے کی آواز سے ضلع بھر میں خوف و ہراس پھیل گیا
چکوال (نامہ نگار) چکوال میں جنگی طیاروں کی مشقوں کے دوران دھماکے کی آواز نے ضلع بھر میں خوف و ہراس پھیلا دیا۔ بڑے تعلیمی اداروں میں کھلبلی مچ گئی اور والدین اپنے بچوں کو لینے کیلئے سکولوں کے باہر پہنچ گئے۔ انتظامیہ سیکورٹی ایجنسیاں اور دیگر ادارے جائے دھماکہ تلاش کرتے رہے۔ کئی گھنٹے بعد معاملہ سامنے آیا کہ جنگی طیاروںکی مشقوں کے دوران فضائی دھماکہ ہوا جس کی وجہ سے افراتفری جیسی صورتحال بن گئی۔
