ڈی آئی خان (نوائے وقت رپورٹ) ڈیرہ اسماعیل خان کے علاقے دین پور میں ایک گھر میں آگ لگ گئی جس سے دو بچے جھلس کر جاں بحق ہوگئے۔ پولیس کے مطابق آگ پر قابو پا لیا گیا۔
الہ آباد: گدھے کی کھال اتارتے 3 ملزم رنگے ہاتھوں گرفتار
الہ آباد (نمائندہ نوائے وقت) گدھے کی کھال اتارتے ہوئے 3 ملزموں کو پولیس نے رنگے ہاتھوں گرفتار کر لیا۔ تفصیل کے مطابق چونیاں روڈ پر شہزاد، خورشید اور ناصر گدھے کو ذبح کر کے اسکی کھال اتار رہے تھے کہ اطلاع پر پولیس نے رنگے ہاتھوں گرفتار کر لیا۔

 اور مردہ گدھا بھی برآمد کر لیا۔ تینوں ملزمان نے پولیس اور صحافیوں کو بتایا کہ وہ کھال مہنگے داموں بیچنے کے لالچ میں یہ گھناﺅنا کام کر رہے تھے۔

قصور: نشہ نہ ملنے پر نوجوان نے پھندا لے کر زندگی ختم کرلی
قصور (نامہ نگار ) نواحی گاﺅں کلے والا میں نشہ نہ ملنے پر نواجوان نے گلے میں پھندا لیکر زندگی کا خاتمہ کر لیا۔ طارق نشے کا عادی تھا۔ گزشتہ روز مبینہ نشہ نہ ملنے پر اس نے درخت کے ساتھ لٹک کر پھندا لے کر زندگی ختم کرلی۔ پولیس تھانہ صدر نے ضابطے کی کارروائی کرکے نعش ورثاءکے حوالے کر دی ہے ۔
زندگی ختم