پاکستان کاورلڈ باکسنگ کونسل کا رکن بننا ٹھنڈی ہوا کا جھونکا ہے: حمزہ شہباز
لاہور (خصوصی رپورٹر) پاکستان مسلم لیگ (ن) کے مرکزی رہنما و رکن قومی اسمبلی حمزہ شہبازشریف نے کہاہے کہ پاکستان کا ورلڈ باکسنگ کونسل کا پہلی دفعہ رکن بننا ہماری سپورٹس کیلئے ٹھنڈی ہوا کا جھونکا ہے ۔ کھیلوں کی سرگرمیوں کو فروغ دے کر نوجوان نسل کو انتہا پسند ی ،منشیات او ردیگر منفی سرگرمیوں سے بچایاجاسکتا ہے ۔ ہمارے نوجوان بے پناہ صلاحیتوں ،ذہانت او رجزبے سے مالامال ہیں اور انہیں دنیا بھر میں جہاں بھی موقع ملتا ہے وہ پاکستان کیلئے فخر اور نیک نامی کا باعث بنتے ہیں ۔ہمارے کھلاڑی پوری دنیا میں پاکستان کی پہچان اور شناخت کا ذریعہ بن چکے ہیں ۔نوجوانوں کی حوصلہ افزائی اور سرپرستی کیلئے ہماری حکومت اپنے تمام تر وسائل بروئے کار لارہی ہے ۔حمزہ شہبازشریف نے ان خیالات کے اظہار پاکستان کے دورے پر آئے ہوئے ورلڈ باکسنگ کونسل کے وفد کے ارکان سے گفتگوکرتے ہوئے کیا۔
