کاہنہ میں خاتون، فیروزوالا نوعمر لڑکے سیالکوٹ کے 3 سالہ بچے سے زیادتی
کاہنہ + فیروزوالا (نامہ نگاران) کاہنہ میں شادی شدہ خاتون، فیروزوالا میں نو عمر لڑکے کو زیادتی کا نشانہ بنا دیا گیا۔ تفصیلات کے مطابق کاہنہ میں حمزہ ٹائون میں شاہ پور کانجراں کی خاتون دو بچوںکی ماں مسماۃ (ع) جس کا خاوند گجومتہ میں سویاں بنانے والی فیکٹری میں محنت مزدوری کرتا تھا۔ پراپرٹی ڈیلر شبیر خاتون کو مکان دکھانے کا جھانسہ دے کر حمزہ گارڈن میں ایک مکان کے اند ر لے گیا جہاں دو ساتھی پہلے سے موجود تھے جو گن پوائنٹ پر باری باری زبردستی زیادتی کرتے رہے۔کاہنہ پولیس نے مقدمہ درج کرکے ملزم شبیر کو گرفتار کر لیا دو ساتھی فرار ہو گئے۔ فیروزوالا میں لاہور روڈ کی آبادی قلعہ ستار شاہ میں فیکٹری ٹھیکیدار نوعمر لڑکے کے ساتھ زیادتی کرنے کے بعد فرار ہو گیا۔ پولیس رپورٹ میں بتایا گیا ہے کہ جہان علی کمرے میں سو رہا تھا وقاص نے اسے دھمکی دے کر اس کے ساتھ زیادتی کر ڈالی۔ سرگودھا میں بیگوال کے قریب بااثر زمیندار کے 25 اوباش بیٹے نے 7 سالہ بچی کو زیادتی کا نشانہ بنا ڈالا۔ رضیہ گھر سے کھیلنے کے لئے باہر گئی تھی اوباش نوجوان اسے بہلا پھسلا کر ویرانے میں لے گیا اور اسے اپنی درندگی کا نشانہ بنا دیا۔ پولیس رپورٹ کے مطابق گائوں دودوالی ی میں چاند نے اپنے ہی گائوں کی خاتون فوزیہ بی بی کے بیٹے تین سالہ فیضان کو بہانے سے کھیتوں میں لے جا کر اس سے زیادتی کر ڈالی۔
