لاہور(سپورٹس رپورٹر/ نمائندہ سپورٹس) نیشنل جونیئر ٹینس چیمپئن شپ کا پری کوارٹرفائنل مرحلہ مکمل کوارٹر فائنل مرحلہ آج شروع ہو گا۔ انڈر18کیٹگری میں برکت اللہ نے فیضان پیرزادہ کو جبکہ حافظ ارباب علی نے نوشیر طارق کو شکست دیکر کوارٹرفائنل مرحلے میں رسائی حاصل کی۔ اسد اللہ نے فہد احمد جبکہ حمبل نے علی عمر حیات کو جبکہ عبادل حیدر نے محمد سعد کیخلاف کامیابی حاصل کی۔ حسنین منظور نے حسن کامران کیخلاف کامیابی حاصل کی۔انڈر 12کیٹگری میں عاقب عمرنے رشید سبحانی کیخلاف فتح سمیٹی سمیر احمد نے فیضان فیاض جبکہ عثمان نصراللہ نے حارث کو شکست دیکر اگلے مرحلے کیلئے کوالیفائی کیا۔