کینبرا (اے پی پی) گیارھویں آئی سی سی ورلڈ کپ کرکٹ ٹورنامنٹ میں آج بدھ کو مزید ایک میچ کھیلا جائے گا جس میں گروپ اے کی ٹیمیں افغانستان اور بنگلہ دیش کینبرا میں نبردآزما ہوں گی۔ میگا ایونٹ میں (کل) جمعرات کو مزید ایک میچ کا فیصلہ ہوگا۔ تفصیلات کے مطابق گیارھویں آئی سی سی ورلڈ کپ کے دلچسپ اور کانٹے دار مقابلوں کا سلسلہ آسٹریلیا اور نیوزی لینڈ میں جاری ہے، ایونٹ میں (آج) بدھ کو واحد میچ گروپ اے کی ٹیموں افغانستان اور بنگلہ دیش کے درمیان مانوکا اوول کینبرا میں کھیلا جائیگا۔ کل مزید ایک میچ کھیلا جائے گا جس میں گروپ بی کی ٹیمیں یو اے ای اور زمبابوے نیلسن میں نبردآزما ہوں گی۔