لاہور ( سپورٹس رپورٹر/ نمائندہ سپورٹس) سائیکاس جونئیر ٹینس چیمپئن شپ کی انڈر18 کیٹگری میں برکت اللہ نے اسد اللہ جبکہ عباد حیدر نے حسنین منظور کو شکست دیکر فائنل میں جگہ بنا لی۔ باغ جناح ٹینس کورٹ میں گزشتہ روز کھیلے جانیوالے پہلے سیمی فائنل میچ میں برکت اللہ نے اسد اللہ کو 6-3،6-4 سے جبکہ دوسرے سیمی فائنل میں عباد حیدر نے حسنین منظور کو 6-4 ،6-2 سے شکست دے کر فائنل کے لئے کوالیفائی کیا ۔ انڈر 12 کیٹگری میں عاقب عمر نے عثمان نصراللہ کو 6-3،6-1 سے اور عبداللہ عدنان نے نعلین عباس کو 6-3، 6-1سے شکست دیکر فائنل میں رسائی حاصل کی ۔