’’نہیں ہے ناامید قوم اپنی ٹیم سے ،ذرا نم ہوتو یہ وکٹ بڑی تیز ہے ساقی ‘‘سوشل میڈیا پر تنقید
لاہور( این این آئی) میگا ایونٹ میں بھارت کے بعد ویسٹ انڈیز سے عبرتناک شکست سے دلبرداشتہ شائقین کرکٹ سوشل میڈیا پر دل کی بھڑاس نکالنے میں مصروف رہے ۔ایک کے بعد ایک آئوٹ ہونے پر نوجوان شاعر بن گیا جس نے فیس بک پر لکھا کہ ’’نہیں ہے ناامید قوم اپنی ٹیم سے ،ذرا نم ہوتو یہ وکٹ بڑی تیز ہے ساقی ‘‘۔ کوئٹہ کے ایک رہائشی نے میچ کے دوران لائٹ جانے پر واپڈا کا شکریہ ادا کیا ، کسی نے پاکستان میں ٹوٹے ہوئے ٹیلی ویژنوں کی سیل لگا دی ۔ ایک دل جلے نے کرکٹرز کے لیے نئی سیلفی سٹک متعارف کرائی ،’’ چپ رہو ہمارا قومی کھیل کرکٹ نہیں ہاکی ہے ‘‘۔ سوشل میڈیا پر ایک مایوس شائقین کرکٹ نے بلے کی ہاکی بنا دی ۔ شوشل میڈیا پر شائقین کرکٹ نے ٹیم کو سخت تنقید کا نشانہ بناتے ہوئے اپنی تجاویز بھی پوسٹ کی جس میں ساری ٹیم مینجمنٹ اور خصوصاً سینئرز کھلاڑیوں کو ٹیم سے فارغ کرنے کا بھی مطالبہ کیا گیا۔
