لاہور(سٹاف رپورٹر) ریجنل ڈائریکٹر علامہ اقبال اوپن یونیورسٹی لاہور رسول بخش بہرام نے کہا ہے کہ نویں اور گیارھویںفیل طلبہ علامہ اقبال اوپن یونیورسٹی کے تحت سمسٹر بہار میں داخلہ لے سکتے ہیں ۔ میٹرک سے پی ایچ ڈی تک داخلہ لینے کے خواہشمند طلبا و طالبات ریجنل آفس اقبال ٹاؤن سے داخلہ فارم حاصل کر سکتے ہیں ۔ انہوں نے کہا کہ بغیر لیٹ فیس فارم جمع کرانے کی آخری تاریخ05 مارچ ہے جبکہ ڈبل لیٹ فیس کے ساتھ فارم جمع کروانے کی آخری تاریخ 31 مارچ ہے ۔انہوں نے کہا کہ علامہ اقبال اوپن یونیورسٹی ملک بھر میں لاکھوں طلبا و طالبات کوبین الاقوامی معیار کی اعلیٰ تعلیم گھروں میں بیٹھے مہیا کر رہی ہے۔ انہوں نے کہا کہ ملک میں تعلیم کے فروغ سے ہی دہشت گردی اور انتہا پسندی کے رحجانات کا خاتمہ کیا جا سکتا ہے۔