لاہور(سپورٹس رپورٹر/ نمائندہ سپورٹس)پاکستان کی انڈر 14 ٹیم ورلڈ جونیئر ٹینس کپ میں شرکت کیلئے ملائیشیا پہنچ گئی۔ پاکستان ٹینس فیڈریشن کے ترجمان کے مطابق قومی ٹیم دو کھلاڑیوں پر مشتمل ہے جن میں حظیفہ عبدالرحمان اور محمد ثاقب شامل ہیں جبکہ جلیل خان بطور پلیئرز کیپٹن اور کوچ ٹیم کے ہمراہ ہیں۔دریں اثنا جونیئر فیڈ کپ اور جونیئر ڈیوس کپ ٹیموں کے بھی کوچنگ کیمپس پاکستان سپورٹس کمپلیکس میں جاری ہیں اور یہ ٹیمیں آئندہ ماہ تین مارچ سے ملائیشیا میں شروع ہونے والے ایونٹس میں اپنے اپنے ٹورنامنٹس میں ایکشن میں نظر آئیں گی۔