لاہور(سپورٹس رپورٹر/ نمائندہ سپورٹس)پاکستان جوڈو فیڈریشن نے مارچ میں تین قومی ایونٹس کے شیڈول کا اعلان کردیا۔ پاکستان جوڈو فیڈریشن کے سیکرٹری مسعود احمد خان کے مطابق ساتویں نیشنل ویمن سینئر جوڈو چیمپئن شپ 21 سے 23 مارچ تک لاہور میں کھیلی جائے گی اسی طرح جونیئر اور بین الصوبائی جوڈو چیمپئن شپ 17 سے 21 مارچ تک لاہور میں منعقد ہوگی۔ انہوں نے کہا کہ تینوں ایونٹس میں چاروں صوبوں‘ فاٹا ‘ گلگت‘ آزادکشمیر‘ اسلام آباد‘ واپڈا‘ ریلوے‘ پولیس‘ نیوی‘ آرمی اور ایچ ای سی شرکت کریں گی۔