ننکانہ صاحب (نمائندہ نوائے وقت) نواحی قصبہ بچیکی میں 20 سالہ اوباش نوجوان کی 5 سالہ بچی سے مبینہ زیادتی کی کوشش کی۔ اہل محلہ نے چھترول کے بعد پولیس کے حوالے کر دیا۔ بچیکی کے محلہ باورے میں فاروق نے غریب محنت کش صفدر کی بیٹی اور پہلی کلاس کی طالبہ جویریہ کو ورغلاءکر مبینہ طور پر زیادتی کا نشانہ بنانے کی کوشش کی اہل محلہ نے شور سننے کے بعد ناکام بنا دیا۔ اہل محلہ نے ملزم کو چھترول کے بعد پولیس کے حوالے کر دیا۔ پولیس تھانہ بڑا گھر نے ملزم کو گرفتار کر کے مقدمہ درج کر لیا۔ علاوہ ازیں نمائندہ خصوصی ، نامہ نگاران کے مطابق فیصل آباد، ٹوبہ ٹیک سنگھ اورگگو منڈی میں 4 سالہ بچی اور بیوہ سمیت 3 خواتین سے زیادتی کی گئی۔ فیصل آباد میں صدف افضل سے رفیق نے زیادتی کی۔ گل فشاں میں مبینہ طور پر چار سالہ بچی سے زیادتی کرنے والے شخص کو شہریوں نے پکڑ لیا۔ تشدد کے بعد ملزم کو پولیس کے حوالے کر دیا۔ ٹوبہ ٹیک سنگھ میں چک نمبر 188گ ب کی منزہ بی بی طاہر اور حبیب وغیرہ نے زیادتی کی۔ گگومنڈی میں بھائی کے دوست نے بیوہ خاتون کو زیادتی کا نشانہ بنا ڈالا۔
زیادتی