لاہور/کوئٹہ (نامہ نگاران+آن لائن) بجلی کی طویل لوڈ شیڈنگ کا سلسلہ گذشتہ روز بھی جاری رہا جس کے باعث کاروبار شدید متاثر رہے اور لوگ سراپا احتجاج بنے رہے جبکہ کئی علاقوں میں پانی کی قلت بھی برقرار رہی۔ کمالیہ سے نامہ نگار کے مطابق بجلی کی غیراعلانیہ اور طویل لوڈ شیڈنگ کا سلسلہ جاری ہے جبکہ امتحانات میں مصروف طلبہ کو بھی شدید پریشانی کا سامنا رہا۔ ساہیوال/ سرگودھا سے نامہ نگار کے مطابق مسلسل 10، 10 گھنٹے کی لوڈ شیڈنگ نے عوام کی چیخیں نکلوا دیں۔ طویل لوڈ شیڈنگ سے تاجر، طلبائ، مزدور، خواتین، بچے اور معمر افراد پریشان ہو گئے۔ ادھر گوادر کے علاقے میں بجلی کی طویل لوڈشیڈنگ کیخلاف نوجوانان اتحاد کی اپیل پر شٹرڈا¶ن ہڑتال کی گئی۔ اس دوران تمام چھوٹے بڑے کاروباری مراکز اور مارکیٹیں بند رہیں۔ اس موقع پر سکیورٹی کے سخت انتظامات کئے گئے تھے۔
لوڈشیڈنگ جاری