لاہور (نیوز رپورٹر) سینئر نائب صدر یوتھ ونگ مسلم لیگ ن لاہور مردان علی زیدی نے کہا ہے کہ پاکستان کرکٹ ٹیم نے زمبابوے کی ٹیم کو شکست دے کر ورلڈ کپ 2015 کی پہلی خوشخبری دی۔ پاکستانی ٹیم اگر جذبے اور محنت کے ساتھ کھیلے تو ورلڈکپ میں کامیابی حاصل کرسکتی ہے۔ یوتھ ونگ کے عہدیداران سے بات چیت کرتے ہوئے کہا کہ جس طرح کرکٹ کی ٹیم کی جیت نے ملک کو خوشی دی ہے اگر یوتھ اسی طرح ملک کے مختلف شعبوں میں دل لگا کر کام کریں تو وہ وقت دور نہیں جب ہم دنیا کو ترقی کے میدان میں پیچھے چھوڑ دیں گے۔ انہوں نے کہا مسلم لیگ ن کی حکومت عوام کی ترقی کیلئے دن رات محنت کررہی ہے۔