شکاگو(آن لائن) امریکن آئس ہاکی لیگ میں نیویارک رینجرز کی ٹیم نے شکاگو بلیک ہاکس کو سڈن ڈیتھ پر ایک صفر سے شکست دے دی۔ شکاگو میں کھیلے گئے آئس ہاکی لیگ کے میچ میں دونوں ٹیموں کے درمیان دلچسپ مقابلہ ہوا۔ میچ مقررہ وقت تک بغیر کسی گول کے برابر رہا۔ میچ کا فیصلہ اضافی وقت میں ہوا۔ اضافی وقت ختم ہونے سے صرف 32 سیکنڈز پہلے نیویارک ٹیم کے کھلاڑی ڈیرک براسرڈ نے شاندار گول سکور کیا ، یوں رینجرز کو سنسنی خیز مقابلے کے بعد بلیک ہاکس کے خلاف سڈن ڈیتھ پر ایک صفر سے کامیابی حاصل ہوئی۔ اس فتح کے بعد نیویارک رینجرز کی ٹیم نے 87 پوائنٹس بنا کے لیگ میں پہلی پوزیشن پر بھی قبضہ جما لیا ہے۔