اسلام آباد (اے پی پی) اسلام آباد کراٹے ایسوسی ایشن کے زیراہتمام ٹوئن سٹی کراٹے چیمپئن شپ  شہباز شریف سپورٹس کمپلیکس ، راولپنڈی میں شروع ہوگی۔ اسلام آباد کراٹے ایسوسی ایشن کے سیکرٹری اعجاز الحق نے بتایا کہ چیمپئن شپ میں اسلام آباد، راولپنڈی کے مرد اور خواتین کھلاڑی حصہ لے رہے ہیں، چیمپئن شپ میں بہترین کارکردگی دکھانے والے مرد اور خواتین کھلاڑیوں کو اسلام آباد کی ٹیم میں میرٹ کی بنیاد پر شامل کیا جائے گا اور یہ ٹیم قومی کراٹے چیمپئن شپ میں شرکت کرے گی جو 12 مارچ سے لاہور میں کھیلی جائے گی، جس میں پنجاب ، خیبرپی کے، بلوچستان، سندھ،  واپڈا، آرمی، پاکستان ریلوے، پاکستان پولیس، فاٹا اور اسلام آباد کی ٹیمیں شرکت کریں گی۔