کوہاٹ (آن لائن) ایف آر کوہاٹ کے علاقہ ترکی اسماعیل خیل میں حالیہ بارشوں کے باعث مکان کی چھت گرنے سے7 بچے زخمی جبکہ ڈھوڈہ میں گھر کا برآمدہ منہدم ہونے سے 6 مویشی ہلاک ہوگئے ۔گزشتہ کئی دنوں سے جاری مسلسل موسلا دھار بارشوں کے نتیجے میں کے موضع ترکی اسماعیل خیل میںایک گھر کی چھت اچانک منہدم ہوگئی جسکے ملبے تلے دب کر ایک ہی خاندان کے سات بچے راحیب ، مراد، شاہ زیب، رائید، فرحانہ بی بی، مریم بی بی اور افسانہ بی بی زخمی ہوگئیں جنکی حالت خطرے سے باہر ہے۔ دریں اثناء کوہاٹ کے نواحی علاقہ ڈھوڈہ میں تیز بارش اور ہوائوں کے باعث منظور نامی شخص کے مکان کے برآمدے کی چھت گر گئی جسکے نتیجے میں برآمدے میں موجود بکری اور بچھڑوں میں سے 6 ہلاک جبکہ ایک گائے زخمی ہوگئی۔