پشاور(آن لائن)خیبر پی کے میں پولیس نے سرچ آپریشن کے دوران 450 مشکوک افراد کو حراست میں لے لیا۔ ناقص سکیورٹی انتظامات پر انتظامیہ کے خلاف پانچ مقدمات بھی درج۔ قومی ایکشن پلان کے تحت خیبرپی کے کے مختلف اضلاع میں پولیس کا سرچ آپریشن جاری ہے۔ سرچ آپریشن کے دوران 462 مکانات ، 762 تعلیمی ادارے اور 297 ہوٹلوں کو چیک کیا گیا۔ بہتر سکیورٹی انتظامات نہ ہونے پر پانچ سکولوں کی انتظامیہ کے خلاف مقدمات درج کر لئے گئے۔ پولیس کی رپورٹ کے مطابق سرچ آپریشن کے دوران 450 مشکوک افراد کو بھی حراست میں لیا گیا ہے۔