سیالکوٹ+ ٹوبہ ٹیک سنگھ (نامہ نگاران) مختلف وجوہات پر سیالکوٹ میں میٹرک کی طالبہ، ٹوبہ ٹیک سنگھ میں نوجوان نے زندگی ختم کرلی۔ مظفر پور میں میٹرک کی طالبہ نے امتحان کی تیاری نہ ہونے پر گولی مار لی۔ پولیس کے مطابق سونیا کے پاس سے پرچہ بھی ملا ہے جس میں لکھا ہے کہ مجھے جو ٹھیک لگا وہ کر رہی ہوں۔ تیاری اچھی ہوتی تو پیپر دیدیتی۔یہ مت سمجھئے گا کہ آپ کی تربیت میں کمی تھی۔ علاوہ ازیں اگوکی پولیس کے مطابق طالبہ کی نعش پولیس نے پوسٹ مارٹم کیلئے گورنمنٹ علامہ اقبال ٹیچنگ ہسپتال پہنچاد ی ہے اور کارروائی شروع کردی ہے۔ پولیس کے مطابق طالبہ نے گھر میں جھگڑے کے بعد دلبرداشتہ ہوکر زندگی ختم کرلی۔علاوہ ازیں ٹوبہ ٹیک سنگھ میں گھریلو حالات سے تنگ نوجوان نے زہریلی گولیاں کھا کر زندگی ختم کرلی۔ محلہ شجاع کالونی میں ملک عبدالرزاق کے 20 سالہ بیٹے ندیم نے گھریلو حالات سے تنگ آ کر زہر کھا لیا۔