راولپنڈی، اسلام آباد (اپنے سٹاف رپورٹر سے) ہوائی فائرنگ ، چھتوں سے گرنے اور ڈور پھرنے کے واقعات میں زخمی ہونیوالے افراد میں سے ہفتہ کے روز ہسپتال میں زیرعلاج لڑکا ریاض جاں بحق ہوگیا جس سے بسنت میں لی گئی قیمتی جانوں کی تعداد 2 ہوگئی۔ ہفتہ کے روز بھی راولپنڈی بھر اور اسلام آباد میں آئی نائن ، آئی ٹین ، چک شہزاد ، بنی گالہ ، بہارہ کہو ، جی نائن، جی ٹین سمیت دیگر سیکٹروں میں گڈیاں اڑانے کا سلسلہ جاری رہا۔ پولیس صرف کاغذی جمع تفریق تک محدود رہی، اندرون شہر کلاشنکوفوں سے فائرنگ کے واقعات سے شہری ہفتہ کے روز بھی سہمے رہے لیکن پولیس کسی جگہ سے اسلحہ نہ پکڑ سکی ۔