کراچی میں پولیس اہلکاروں پر فائرنگ، ڈاکوئوں سے مقابلہ،2 اہلکار جاں بحق ،2 زخمی
کراچی (نیوز ڈیسک) کراچی کے علاقے بنارس چوک میں بنارس پل کے قریب موٹر سائیکل سواروں نے گشت پر متعین پولیس اہلکاروں پر فائرنگ کر دی جس سے ایک اہلکار 45 سالہ ساجد جاں بحق اور دوسرا شدید زخمی ہوگیا۔ دونوں کو پولیس نے فوری ہسپتال منتقل کرکے حملہ آوروں کی تلاش شروع کر دی۔ دریں اثناء رات گئے خالد بن ولید روڈ پر پولیس اور ڈاکوئوں کے درمیان فائرنگ کے تبادلے میں ایک پولیس اہلکار محمد معرفت جاں بحق جبکہ دوسرا زخمی ہو گیا۔ فائرنگ کے دوران دونوں ڈاکو فرار ہو گئے۔ پولیس نے انکی تلاش شروع کر دی۔ ادھر بنارس میں فائرنگ سے پولیس اہلکار کے قتل کے بعد پولیس اور رینجرز کی بھاری نفری نے بنارس کے مختلف راستوں کو سیل کر کے حملہ آوروں کی تلاش کیلئے آپریشن کیا اور کئی مشکوک افراد کو حراست میں لے لیا۔
